NPSC züngsem tasen tenangzükba agi

May 24, 2017 nü Raj Bhavan, Kohima nung Nagaland Angh, P B Acharya-i ketdangsüa NPSC züngsem atema Vipralhou Kesiezie tenangzükba agidaktsüba noksa nung angur. 

Kohima, May 21 (TYO): May 24, 2017 nü Raj Bhavan, Kohima nung Nagaland Angh, P B Acharya-i ketdangsüa Nagaland Public Service Commission (NPSC) züngsem atema Vipralhou Kesiezie tenangzükba agidaktsüogo.
Bodhbarnü tenangzükba agiba sentong nung Nagaland Chief Secretary, Pankaj Kumar, NPSC Chairman aser NPSC züngsemtem dena liasü.
Vipralhou Kesiezie ya Kohima Village nungi lir aser 2016 küm SCERT Director mapa nungi anisüngzükba tashi Nagaland sorkar tenzüka liasü.
Pa ya Education Sector, Nagaland Vision 2030 nung Anchor lir aser APO nunga Advisory züngsem ka lir. Vipralhou Kesiezie-i NEHU, Shillong nungi Education nung MA degree angu aser Education & Vocational Guidance (NCERT, New Delhi) nung PG Specialisation agia liasü.