NRC anema TMC pur longkak ait

Kolkota, Lorui/August 13 (Agencies): National Register of Citizens (NRC) anema Trinamool Congress puri tanü Kolkata yimti nung lungkak aitba sentong ka ayongzüka kaogo. Iba sentong ya yimti teyong nung aliba Esplanade tesem aser yimti norther tsütsü Kamarhati tesem nung aka.
Esplanade tesem nung NRC anema State Minister Sovandeb Chattopadhyay-i anir aka aser Kamarhati-Baranagar tesem nung TMC lenir Tapas Roy aser Madan Mitra na lenisüba kübok aka.
Maneni TMC puri ibala amesükba longkak aitba sentong ya yashi West Bengal kübok tesem balala nung ayongzüka kaogo. TMC puri ashiba agi, NRC tenüng nung Assam nung BJP sorkari iba list nung asaa Bengali nunger aginer koba BJP puri aitsüogo. NRC tatembangbuba draft ya Chiteni/July 30 nü sayaogo aser applicant 3.29 nungi parnok lakh 2.89 tenüng iba list nung densema maliasü.