NRC atema olulu prokshir: Prateek Hajela

Guwahati, June 3 (Agencies): National Register of Citizens (NRC) atema state coordinator Prateek Hajela-i June 5, 2019 nung NRC dak sendakba maparen kecha inyaktsü jazüka mali ta metetdaktsü.
“Eid nü (June 5) NRC Hearing alitsü ta nisung kari olulu prokshir. June 5 nung hearing agitsü sentong kecha mali” ta Hajela-i Twitter nung metetdaktsü.
“Notice tem ya mapang jelia sangdongba lir aser June 5 atema kecha notice mali. Public-i iba ama olulu nung mamangtsü mepishir” ta paisa ashi.