NRL employees-i sen lakh 23 tenlar

Guwahati, July 31 (Agencies): Bodbarnü Numaligarh Refinery Employees Association-i tzümetsüng agi timtemertem yaritsü atema Assam Chief Minister’s Relief Fund nem Rs 23,22,130 tenla agütsü.
Tanü Assam Legislative Assembly nung parnoki Rs 23,22,130 indang cheque ji chief minister Sarbananda Sonowal ket nung agütsü.
Tanü Dispur Hospital aser Assam Cricket Association teloktemia Assam Chief Minister’ s Relief Fund nem tenla agütsü. Telok anapronglai sen lakh pungugu agütsü.
Ano, AIUDF züngsemtemi CM Relief’s Fund nem Rs 5 lakh agütsü.
Assam nung tzümetsüng agi timtemertem yariba sayua Hyundai Motor India Limited-i Mongulbarnü Assam CM’s Relief Fund (CMRF) nem sen crore 1 tenla agüja liasü.
Mongulbarnü Brahmaputra State Guest House nung parnoki Assam chief minister Sarbananda Sonowal ket nung sen crore 1 indang cheque ji agütsü.
Ano, Aakash Institute-ia Hombarnü Assam CM’s relief Fund nem Rs 51 lakh tena agüja liasü. Aakash Institute ya engineering aser medical entrance exams atema coaching institute ka lir.