NRMSATA 2015-16-i metetdaktsür

Dimapur, July 3 (TYO) : July 1, 2016 nü Nagaland RMSA Teachers’ Association (NRMSATA) 2015-16 pur Hut restaurant conference hall nung rongdak senden ka amendang, phase II aser III nungi nisung ana Central Executives nung shimok, ta NRMSATA mendenpurtemi sangdong ka nung metetdaktsü.
Central Executives nung züngsem anaji- Nyambemo Patton aser Temsulila na lir.
Directorate of School Education kübok Nagaland Education Mission Society (RMSA)-i appointment orders balala agüja telemsa adokdaktsüyonga, Phase II aser III kübok shimba RMSA teachers-i NRMSATA (2015-16) Central Forum den külemi inyaktsü lemtetbaji kanga dang tim lir, ta NRMSATA General Secretary, Kezhothito Keyho aser President, Renbemo L Patton nati külem sangdong nung shia lir.