NS Advisor anentsütsü Donald Trump-i lemteter

Washington, Metsüremi 16 (Agencies) : US Tir, Donald Trump-i ano National Security Advisor, HR McMaster mapa nungi anentsütsü lemtetogo; tawa White House nung inyaker tazüngpurtem anentsüba rongnung ibai tesüsaba asütsü, ta Washington Post ajanga sangdongogo.
Kasa osangkaket ajanga ashiba agi, McMaster melen tetemsü nisung ka shimtettsü atema Trump-i inyaktepdagi saka mapang peria agiang shimtettsü kechiaser pai (Trump) pa mak mesüdaktsüner aser pa melensangjia zep ta renemer lidaktsüner.
Tiri Rex Tillerson secretary of state menden nungi agienba sülen anogo ana dang lir tang iba osang sangdonger; iba indang ya Trump-i pa indang Twitter account nung mezüngbuba sapoka ashi.
Tan ita tetenzüklen Trump den inyaksang economic advisor tazüng, Gary Cohn-i pasasa iba menden toktsüogo; ano Trump White House nung aliba mapangsa ketdangser tazüngpur parnok ishika anenogo; parnok rongnung tongti purtemji chief strategist, chief of staff aser pa den inyakba mezüngbuba national security advisor liasü.