NSAP kübok Mkg nung pensioners atema sangdong

Mokokchung, August 29 (TYO): District Welfare Officer, Mokokchung, T. Aoakhum Longchar-i sangdong ka ajanga National Scheme (NSAP) kübok Old Age Pension, Widow Pension aser Disability Pension agirtem ajak dang ya sangdonger; 2017-18 indang ita 12 atema sanction lemzüktsüogo aser 2018-19 küm ita 6 atema sen lemzüktsüogo aser state scheme kübok Disability & Blind Pension aser Differently Abled Students Scholarship 2018-19 indang ita 12 atema sen lemzüktsüogo, ta metetdaktsü.
Iba payment ya August 9, 2019 nungi tenzüka October 19, 2019 tashi nung District Welfare Office, Mokokchung nung office mapang nung agütsütsü, ta kasa sangdong nung shia lir.
Beneficiary temi pei pei VCC/Pastor ket nungi anguba life certificate bener arutsüla. Iba dak alia Aadhaar aser Bank Account magütsüi alirtemia kasa mapang nung itemji agütsütsüla, ta kasa sangdong nung shia lir.
Senotsüji anogo lemsar tzükong/yim/ward sasep nung yamai agütsütsü: Mokokchung Town nung September 9 nungi September 12, Ongpangkong nung September 13 nungi September 21, 2019 tashi, Asetkong nung September 23 nungi September 25 tashi, Langpangkong nung September 26 nungi October 5 tashi, Jangpetkong nung October 9 nungi October 10 tashi, Japukong nung October 11 nungi October 16 tashi aser Tsungrangkong nung October 17 nungi October 19, 2019 tashi agütsütsü.