NSAP Scheme atema sangdonger

Mokokchung, Monupii/May 17 (TYO): NSAP Scheme- Old Age Pension, widow Pension aser Disable Pension tajangzük agir shia direct Benefit Transfer (DBT) ajanga pension agitsü asoshi Aami/June 30, 2018 anogo tashi nungbosa pei meyong Adhaar ji Bank account den sendakteptsüla, ta District Welfare Officer Mokokchung, Bendangkokba-i tanü sangdong ka ajanga metetdaktsü.
Aami/June ita sülenbo Adhaar Card malirtem mesüra Aadhaar den Bank Account link masürtem nem pension agutsüba anentsü. Iba dak alia sanction list atema Bank Account, Adhaar aser payment Book indang Xerox copies ji District Welfare Officer Mokokchung nem agutsütsüla, ta kasa sangdong nung shia lir.