NSCA-i Good Governance Day magizüker

Dimapur, December 12 (TYO) : India sorkari December 25 nü Good Governance Day amungtsü telemtetba agiba dak sendakba nung December 12, 2016 nü Red Cross Building, Kohima nung Nagaland Senior Citizen Association-i senden ka ayonga menogo.
December 25 nü alima ajunga nung Yisu Khrista asoba benjung amungdang, asen linük nungbo Good Governance Day amungtsü lemtetba ajanga Khristan tamangertem timtem ajurutsü ta senden nung Khristan lennirtemi tebilemba lemsatep, ta Nagaland Senior Citizens Association President, Dr. S.I Tushi Ao aser Convenor, Z. Lohe nati sangdong ka nung ashi.
Khristan tem linük temzüng ajanga temelaba agüja aliba kümzüka ayutsü atema senden nung adenertemi bangdak ketdangsertem nem memorandum ka agütsütsü bangzünga renem, ta Nagaland Senior Citizens Association sangdong nungsa shia lir.