NSCA mendenpur tasen shimogo

Dimapur, April 9 (TYO) : April 7 nungi 8, 2017 tashi Puliebadze Chaheki, Jotsoma, Kohima nung Nagaland Sports Coaches Association (NSCA) Annual General meeting aser mendenpur tasen shimba sentong na repa agiogo, ta NSCA sangdong ka ajanga metetdaktsü.
Iba senden nung 2017 nungi 2020 tashi atema shimtetba mendenpurtemji Tir, Tosovi Anthony, Tatong Tir, Mughato Aye, Tongti tezülur, Ropfu Meyase, Joint Secretary tem, Toshi Jamir aser Ashok na, Senyur, Kevilebei aser Advisor tem, Yanbemo Humtsoe aser Khriehutuo Tsira nunger alitsü, ta kasa sangdong ajanga metetdaktsü.