NSCN-i 46 Assam Rifle aitsür

Dimapur, October 5 (TYO) : October 4, 2015 aonung 11:00 ako nung aser ano October 5 anepdang 4:00 ako nung 46th AR den Para Military special force-i Meluri town command aser Pochury Region office mitba aitsür, ta MIP-NSCN/GPRN-i sangdong ka ajanga metetdaktsü.
46th AR den Para Military special force temi office nung mess raksatsü aser ano US. Carbine ka den Walkie Talkie ka bener ao, ta sangdong nungsa shia lir.
India sorkar aser NSCN tsüngda yimten telemtetba tajung bener arutsü atema yimten ken o tejembidak nung Assam Rifle-i Cease Fire Agreement nung aliba Ground rules anema mapa inyaker aser iba ya ajanga telok ana tsüngda tesentaktep aliba nung mangatettep adokdaktsütsü, ta MIP-NSCN/GPRN-isa metetdaktsü.
Anungji, Assam Rifle-i India sorkar aser NSCN tsüngda olemtep agiya aliba akhümtsübura, mangatettep aser temulung melemtep adoktsüsa mapa meinyaktsüla, ta MIP-NSCN/GPRN-isa sangdong nung nenshia metetdaktsü.

You must be logged in to post a comment Login