NSCN IM aser Aor lokti tentet tsüngda shisadoken kaogo

Mokokchung, October 31:  NSCN-IM aser  Aor lokti tentet-Ao Senden, Watsü Mungdang, Ao Kaketshir Mungdang, Mokokchung Town Lanur Telongjem aser Concern Senior Citizen Forum tsüngda shisatoken senden (consultative meeting) ka Hokolbarnü Hotel Metsüben Conference Hall nung kanga dang takok ngua agiogo.
Iba senden nung Naga lenirtemji: Political affairs committee co-convener VeKiye Awomi VeKiye Awomi anir Arep Jamir Kilonser, Talk Secretary Imcha Longkumer den külemi Chaplee Kilonser, Limachuba, aser Tia Imchen, Dy. Kilonser affairs (Ao region) nungertem liasü.
Kasa senden nungsa Major Retired & Dy. Kilonser (Chaplee) cum caretaker CAO, Ao region Maong Ozukum,  Dy Kilonser, Tatars aser regional authority-tema densema liasü.
Senden nung VeKiye Awomi-i August 3 Indian sorkar den tezüngzüktep (framework agreement) meyongnem agiba rateta metetdaktsüba aser meyongnem dak sentakba nung mera agibatem lemsatep.
Naga lenirtemisa, NGO-temi mangatepbatem asüngdangba angajema rateta metetdaktsüba aser lokti tentetemi iba keno dak sentakba nung tebilembatem lemsatepa liasü.