NSCN (IM) pur den sendaka aliba nisung ana apu

Kohima, Chiteni/July 7 (TYO): Chiteni/July 3 nü NSCN (IM) pur tesep asem raksatsüba sülen DAO division kübok Security Forces temi maneni Motongsa yimtsüng nung telungpur meita aoba mapang NSCN (IM) pur OGWs ana puogo.
Security Forces, Jarampur battalion puri New Longchong yimtsüng nungi OGWs Khamchang Tikhak aser Babloo Tikhak na puogo. Tena dang ken o ashishiba mapang nung tenati NSCN(IM) den sendaka aliba nangzükogo. Tena ya Miao aser Nampong circles nung rakzük rakdemba maparen balala nung tongti shilem agia liasü, ta PRO (Defence) Col C Konwer-i sangdong ka ajanga metetdaktsü.