NSCN-IM Tatar Hoho Winter Session alitsü

Dimapur, December 6 (TYO): Woshino (Vice-President)-i tetuyuba agütsüba ama December 12, 2017 nü CHQ Hebron nung Tatar Hoho Winter Session alitsü, ta MIP sangdong ka nung metetdaktsü.
Iba session nung Collective Leadership züngsemtem, Executive Members, Steering Committee Members, Kilonsers, Dy. Kilonsers, Tatars, Heads of the Departments, Longvibu, Adjutant General, GSO-I & II, GAO, Unit Commanders, Brigadier aser temapur, Region CAOs/EOs aser NSWON o NFFWWF nungi teshimtet nübo anana adentsü metetdaktsür, ta sangdong nung shia lir.
Senden nung benoka jembitsü atema tebilemba kar lira December 9, 2017 anogo mesüra matongdang Tatar Hoho Secretariat tongtsütsü metetdaktsür, ta MIP-isa ashi.
Assam Rifles aitsür
December 1, 2017 nü Assam Rifles-i Arunachal Pradesh kübok Mullong yimer ana NSCN-IM züngsemtem ta tai tongloktsüba khukhua aitsür, ta MIP-isa tanga sangdong ka nung metetdaktsü.
Tai maketba yimdaklir anaji Mohonong Tikhak aser Ronong Tikhak ta lir aser tena ya NSCN den tesentaktep kecha mali aser civilian tem lir. NSCN aser India sorkar tsüngda yimjung olemtep telidak nung Assam Rifles-i NSCN tenüng menüktsütsü atema tasa atonga inyakba mapa ka lir, ta MIP sangdong nungsa shia lir.