NSCN-IM züngsem kati NPP posemer khaset

Itanagar, March 30 (Agencies): Arunachal Pradesh nung National People’s Party (NPP) posemer ka khaset.
Hokolbar aonung election nüboyimba sentong ka nung Nationalist Socialist Council of Nagaland (NSCN-IM) züngsem ta temulung melemi bilemer kati NPP posemerji khaset.
Tasüsangji Khonsa West assembly menden nung NPP candidate Tirong Aboh posemer ka liasü.
Pai FIR ka benokogo aser police-i tekaratiba nung aibelener aputsü imlar ta NPP candidate, Aboh-i osangbener dang ashi.
NPP president aser Meghalaya Chief Minister, Conrad K Sangma-ia tanü iba tatalokba aitsü aser mangyimba osang metetdaktsü.
Hokolbar aonung 10:00 ako meta Tirap district kübok Kheti yimtsüng nung NPP züngsem Jaley Anna aser par medemer Kham Nai Abhi na dak injang khaloktsü.
Iba mapang Anna khaset aser Abhi ji Dibrugarh Medical College Hospital nung anepaludar.
NSCN-IM züngsemji Kheti yimer Eli Kethak lir ta jangjaogo.