NSCN (K) pur ka Manipur nung khaset

Imphal, June 5 (Agencies): Hombarnü sepaitemi National Socialist Council of Nagaland (Khaplang) nung self-styled “Major” ka khasetogo, ta police-i metetdaktsü.
Iba tatalokba ya tanü Imphal East district kübok Khoupum tesem nung atalok. Tasüsang ya G. Thanmei ta jangjaogo aser pa ket nungi M-16 rifle ka aser injang 11 ngutet.
Police temi ashiba agi, itangitertem nung iba tesem nung prangbong injang bener nisungtem monga aliba osang tejangja ka angazükba sülen Deobar aonung iba tesem meketbang. Telungpurtem aliba tesemi Gorkha Rifles pur aoba sülen telok ana tsüngda khatepa liasü.
Iba tatalokba nung Thanmei khaset saka pa den külemi alirtem jena oadok. Telungpur jena aoertem rongnung kar bo yirur alitsü, ta police-i ashi. Iba lendong nung sepai bo kata meyiru.
NSCN(K) pur aser India sorkar na 2000 küm ‘ceasefire’ asütsü asoshi tezüngzüktepba ka agi saka iba tezüngzüktepba ya 2015 March 27 nü raksaogo.
2015, June 4 nü Manipur kübok Chandel district nung sepai 18 khasetba ya NSCN(K) pur dak tongloktsü.