NSCN (R)-i Tongmeth Konyak asüba atema mangyimer

Dimapur, Mongputeni/October 02 (TYO): Tongmeth Konyak (Advisor to the Collective Leadership) 30/09/2019 nü Rapha Hospital, Mon nung asüba atema NSCN (Reformation)-i jashia mangyimer; asür Tongmeth ya Mon District nung Wakching Sub-Division kübok Chingdang yimdak nungi liasü, ta NSCN/GPRN (Reformation) MIP sangdong ka ajanga metetdaktsü.
“Asür, Tongmeth-i 1984 küm Naga linük tenzükba wadang nung adenba sülen menden balala nung linük tenzüka aruogo. January 2016 nung pa Advisor to the Collective Leadership shim aser pa tasünü tashi pai Naga linük atema nokdakogo. 2016 küm NSCN (R) tenüng nung pa NNPGs nung aden aser NNPGs/WC – GoI dialogue nung sign asürtem rongnung pa densema liasü,” ta kasa sangdong ajanga metetdaktsü.
“Pa asüba ajanga tapok tuluka patsüogo, aser ibaji atsüngtsü atema tasak asütsü. Pa asüba ya Naga nunger, talisa Konyak nunger atema takoksa tulu, ta kasa sangdong nung shia lir.
“NSCN (R)-i asür tanela tesünep nung anisüngzükdakjang ta sarasademer aser Tsüngremi asür kibong züngsemtem aser par tembartem nem tesünep agüjang ta sarasademtsür,” ta kasa sangdong ajanga lemsatep.