NSCN (R)-i UT1 nung kümdangtsü metetdaktsür

Dimapur, May 14 (TYO): Taoba mapang iba maparen atema tekümdangtsü osang metetdaktjaka nisung kari NSCN/GPRN (Reformation) nung UT1 ketdangser ta tiyazü shia ozüngi memelaba tax saruba osang angazüker. Anungji, iba “Cautionary Notice” agütsüba sülen nisung kari aibelenba putetra Çapital temerenshi tashi agütsütsü ta Supervisor, UT1, Kilonser Khekato Kinny-i ashi.
UT1 Tax indang shidi kar dang ngurabangla UT1 Supervisor den 9862746031 aser 9485205557 ajanga osang jangjatsü metetdaktsür, ta Khekato Kinny-isa ashi.
Iba sangdong agütsüba sülen UT1 telongtet nung Supervisor majangi tax sarura, ibaji ozüng alema inyakba mapa ka züngshitsü aser tapet temerenshi agütsütsü ta MIP (Ministry of Information & Publicity), NSCN/GPRN (Reformation)-i metetdaktsü.