NSCN (R)-i züngsem ana anentsür

Dimapur, Rongjui/September 22 (TYO): NSCN/GPRN (R)-i MIP ajanga Xekiye Village nungi asür Xekiye Aye’er jabaso, Kahoto Aye (APO) aser Suruhuto Area kübok Litsami Village nungi asür Vihoshe Yeptho’er jabaso Inato Yeptho (Khapur) na anentsüba tetuyuba agutsür, ta MIP (Ministry of Information & Publicity), NSCN/GPRN (Reformation) sangdong ka ajanga metetdaktsü.
Tenati loktiliba anema inyakba mapatemji Clause D, sl.1 of the ‘Party Discipline’ nung shia aliba ama linük tangatetbatem atema timtem, ta reprangteta tena nem iba ya temerenshi agutsüba ama inyaker; NSCN/GPRN (R)-i aibelener ana dang joko NSCN tenüng mamshitsü tekümdangtsü metetdaktsür, aser tarutsü nung tenüng tajungji menüktsüra NSCN-i magizüktettsü, ta sangdong nung shia lir. NSCN (R)-isa nüburtem dang ibaji meteta alitsü aser tang anentsürtemji joko NSCN (R) sorkar nungi masü, aser tatalokba kar danga atalokra ibaji NSCN (R) nungi masü, ta kasa sangdong ajanga metetdaktsü.