NSCN (R) Kilo kilonser-i anir züngsemtem NSCN/GPRN nung aden

Dimapur, November 16 (TYO) : NSCN (R) Kilo Kilonser, Thepuvezo Keyho, NSCN (R) Kilonser, Zaremo Murry aser tena sülen anidakertemi NSCN/GPRN nung adenba pelashishia agizüker, ta MIP, Hebron sangdong ka nung metetdaktsü.
Parnoki Naga nunger telongjem tashi itdaktsütsü aser tekaratiba nung yimten telemtetba ka agitsü atema tenangzükba agia NSCN nung züngsemogo, ta sangdong nungsa shia lir.
Naga nunger tsüngda yimjung aser telongjemji yimten telok balala kübok masü saka teka amtepba ajanga dang angutsü ta parnoki ashi. Indo-Naga yimten tebilemtsü koktettsübaji NSCN/GPRN ajanga dang inyaktettsü ta parnokisa shisem, ta MIP sangdong nungsa metetdaktsü.
Tanga teloktem nungi tanüngba Naga nunger adianutemi NSCN/GPRN den longjemtsü aser tang tejembidak yimten ken o akangshitsü atema mepishir, ta MIP, Hebron sangdong nungsa shia lir.