Dimapur, November 19, 2021 (TYO): NSCN-Reformation nung Vice president, Akato Chophi-i anir telok tasen ka razüka ogo aser parnoki tatemzükba kecha makai India sorkar den ceasefire alitsü metetdaktsüogo.
“Tang tensa nung telok tasen ka razüka aotsü ya tim masü, saka Naga nunger ajungtsü mechi aser Naga nunger yimten temeden maneni wazüka ayutsü mechi nung onok razüka aoer” ta spokesperson Nokrang Lanu Aier-i ashi.
Ibai razüka aoba dang lir aser onoki NSCN-R indang züngsem kata manentsür, ta paisa ashi.
Iba telok nung Akato Chophi-i tir inyaktsü.
Tawa tu NSCN-R telok nung telemsa adoktsü akok ta osang kar prokshia liasü.
Ajisüaka WC, NNPGs convener N. Kitovi Zhimomi aser NNPGs nungi lennirtem tetsüngdai ia mangatetep alibatem timi angatetepa liasü aser Naga nungeri aginüba ama aser yimtenren ken o tangatettep kati arutsü mechi songtema liasü.
NSCN-R nungi telok tasen ka razüka ogo added by nungsang on
View all posts by nungsang →
You must be logged in to post a comment Login