NSCN-R pur ana Changlang nung apu

August 13, 2017 (Agencies): Independence Day matong tsüngda kümdangshia meita aoba mapang ka nung Security forces-i Arunachal Pradesh, Changlang district nung NSCN(R) telungpur ana puogo.
Telungpur anaya Bokam Wangrey self-styled ‘sergeant major’ aser Raju Kumar Choudhury ta jangjaogo.
Tena ket nungi AK-47 prangbong ka, injang, ganja, sim card tapu balala aika aser kuli kaket tongtibang aika nguteta puogo, ta defence otongdar Colonel Chiranjit Knower-i ashi.
Osang tejangja ka angazükba sülen Changlang battalion, Assam Rifles puri Yongchik yimtsüng Honibarnü meita aoba mapang telungpur ana ya apu, ta paisa ashi.