NSCN/GPRN ajanga mangyim tejashi lemsateper

Dimapur, Chiteni/July 06, 2020 (TYO): Ao Region kübok Asangma yimtsüng nungi NSCN/GPRN indang Leacy, (Asür) Mr. Imkongsungit (Mr. Temjenmeren’er jabaso) July 05, 2020 nü asüba osang angazüka Government of the People’s Republic of Nagalim (GPRN)-i mangyim tejashi lemsateper, ta MIP-i sangdong ka nung metetdaktsüogo.
2006 küm March ita nungi pai Naga linük tenzükba wadang nung shilem agitsü tenzük. Pa masü tashi Naga linük aoshi pai tasü itta tenzükogo. Ao Region-i pa ya akhüm taket nübu ka ama züngshir aser Naga nunger lanurtem atema pa ya tatishitsü ka asütsü. Pa asüba ajanga ongdang adokba atema sasar aser iba ya süngdaktsütsü tasak asütsü, ta MIP-isa metetdaktsü.
Naga nunger asoshi pai shilem tajung agiba atema Naga nunger putiotsü nung pa tenüng tetshitsü aser Naga linük asoshi pai taküm bendanga agüja inyakba mapatem nübur ajaki pela agizüktsü, ta parnokisa ashi.
GPRN-i asür Imkongsungit’er adianu/kinungertem aser medemertem den asükhu lemsateper aser Tulusang Tsüngrem dang asür tanela nem tatem maka tesünep aser anisüngzük agüjang ta sarasademtsür, ta MIP-isa metetdaktsüogo.