NSCN/GPRN-i NPMHR tenüng asanger

Dimapur, September 09 (TYO): September 9, 2016 anogo nung Naga Peoples’ Movement for Human Rights (NPMHR) telok tenzüker küm 38 ajunger aser iba anogomung nung National Socialist Council of Nagalim aser Government of the People’s Republic of Nagalim-i NPMHR nem tenüngsang agutsür, ta metetdaktsüogo.
India sepaitemi Naga nunger maksüdakja reshikangshiba mapang NPMHR telok ya tilaka nungi maksü arema tenzük saka tanü tashi nung iba telok yagi Naga nunger temeten aser tensa tia indang alima nem angashidaktsüogo, ta NSCN-IM telokisa metetdaktsü.
Asen nüburtem mapang talangka sepai kübok timtem aser tokrong arema aruba ya ajanga rara anemba mangdangji  NPMHR aser iba tenteter züngsemtemi sayuogo, iba den külemi parnok dak nungi jakzükertemi alima ajaklen ayimsünga alima yimjung aser meimchirtem temeten atema inyakba ajanga sayur.
Ano maneni Naga Peoples’ Movement for Human Rights (NPMHR) mapa nung takok ngudakjang ta moaja NSCN/GPRN telokisa metetdaktsü.

You must be logged in to post a comment Login