NSCN/GPRN (R)-i CFSB/CFMG den ajurutep

Dimapur, March 2 (TYO): March 1, 2019 nü NSCN/GPRN (Reformation)-i CFSB/CFMG züngsemtem den ajurutepa Ceasefire Ground Rules meyipa reprangshiba den Cease fire dak sendakba onüktem lemsatep.
Senden nung telok anaprongi ‘Agreed Ceasefire Ground Rules’ tashi itshitsü atema jembitep. Talisa, NSCN (R)-i Ceasefire ground Rules alema inyaksangshiba azüoktetba atema CFSB/CFMG-i pelaba metetdaktsü, ta MIP (Ministry of Information & Publicity) NSCN (R)-i ashi.
CFSB/CFMG tenüng nung Chairman, Gen. (Retd.) Shokin Chauhan, S.O (Staff Officer) T. Mere, Home Commissioner M. Patton, IGP (Int) Martin Pienyu aser Col. RS Mangkat Singh (representing IGAR) nungertem aden.
Maneni, NSCN (R) tenüng nung Dr. S. Amento Chishi (Kilonser/Team leader), Toshi Longkumer (Secy. CFSB), Amento V. Chophi (Dy.Kilonser MIP), Muzuvoyi Puro (Dy. Kilonser), Holitoli Ayemi (Dy. Kilonser) aser Akheli Yepthomi Home Secy. (All Members CFSB) nungertem aden, ta MIP-isa metetdaktsü.