NSCN/GPRN (R)-i Ihovi Kinny Tatar asüba atema mangyimer

Dimapur, Mongputeni/Oct. 07 (TYO): Sumi-Settsu yim nungi Nguhevi Kinny’er jabaso, Ihovi Kinny, Tatar Mongputeni/Oct. 06, 2018 nü North Eastern Indira Gandhi Regional Institute of Health and Medical Sciences (NEIGRIHMS) Shillong nung asüba atema NSCN/GPRN (R)-i jashi mangyimer, ta tanü NSCN/GPRN (R)-i sangdong ka ajanga metetdaktsü.
“Asür Ihovi ya linük kanga nendaka tenzüker ka liasü, shibai 2005 küm linük tenzükba nung aden. Linük atema nokdaktsü aser raratsü atema pai taküm nung anisüngzüka alitsü toktsü. Pai linük atema tenlabaji teti bilemtettsü,” ta sangdong nung shia lir. “NSCN (R)-i asür tanela tesünep nung anisüngzütsü atema sarasademtsür aser Tsüngrem dang mangyimer kibong nem tesünep agüjang ta sarasademtsür,” ta parokisa lemsatep.