NSCN/GPRN(R)-i Naga Nüjiso Anogo among

Dimapur, August 14 (TYO): NSCN/GPRN (Reformation)-i August 14, 2019 nü Mon nung aliba CFSB (Cease Fire Supervisory Board Office nung 73 buba Naga Nüjiso Anogo amung.
Tanep 10:30 ako nung President Y. Wangtin Naga-i Naga wako atsüket aser iba sülen Military Parade agi aser tesenteper ajaki Naga National Anthem “God Bless my Nagaland” aten.
Iba sentong nung KU (Konyak Union) KNSK (Konyak Nyupoh Seko Khong), KSU (Konyak Students Union) aser MTSU (Mon Town Students Union) teloktem aden, ta MIP (Ministry of Information & Publicity)-i sangdong ka nung metetdaktsü.