NSCN(IM) züngsem jendaktsüba atema police 5 mapa nungi anentsü

Imphal, July 12 (Agencies): Bodbarnü NSCN(IM) züngsem ka police lock up nungi jena yokba sülen Manipur police pungu mapa nungi anentsüogo.
Deobarnü Tamenglong district kübok Kekru Naga tesem nung Assam Rifles jawan-i mita aodang NSCN-IM züngsem PT Thailik Panmei (23) apu. Pa ya Noney district kübok Taoshang yimer lir.
Mongulbarnü pa Imphal PS nung puoka ayu saka idak nungi jena ao.
Iba atema sub-inspector 3, assistant sub-inspector aser head constable kaka mapa nungi anentsüogo.
Osang ajanga ashiba agi Imphal police station nung OC mapa belenogo aser Village Defence Force (VDF) personnel indang mapa anentsüogo.
State sorkari iba tatalokba bushisüngdangtsü atema DGP-i aniba luden ka shima mapa nungloktsüogo. Sorkarisa Panmei ya ‘wanted’ nisung ta osang sangoktsüogo aser pa aputsüsa osang agütsür nem sen lakh 1 senpet agütsütsü ta metetdakja lir.
Bodbar nikongtsütsü Manipur DGP LM Khaute aser forensic experts telok kati lockup reprangdangogo. Iba ki nungsa Imphal West district SP indang office dena lir.
Imphal East nung aliba Jawaharlal Nehru Institute of Medical Sciences nungi Kangleipak Communist Party (KCP) Mangal/Nando group tanishir Thockchom Nando jena aoba sülen ita pezü shi lir külen Panmei jena ogo.