NSCN(K)-i school tanurtem tashiyim agi anioker : Assam Rifles

Dimapur, September 9 (TYO) : National Socialist Council of Nagaland (NSCN-K)-i school tanurtem tashiyim agi anioker ta Assam Rifles sangdong ka nung metetdaktsü.
“Nagaland nung yimjung meimba sensotemi ozüng anema mapa inyakba magizüker aser iba jagi NSCN(K)-i prangpong agi amokmerena school tanurtem anioker” ta Assam Rifles otongdar Shailesh-i sangdong nung shia lir.
Tawa tu Nagaland kübok Phek district nungi nsiung 15 tashiyim agi anir ogo aser iba mapaji NSCN(K) Mobile-V Group commander, Brig Kurichu kübok aliba züngsemtemi inyak. Parnoki Phek district aser Tsera (Myanmar) tsüngda mapa inyaker, ta AR sangdong nung metetdaktsü.
“NSCN(K)-i aniokertem rongnung kaketshir tanubosangji arishi küm 14 tain lir. Parnoki kaketshirtemji Tsera camp-i anir aoer aser idak nungjagi military training atema Ngiakching camp (Myanmar)-i yoktsü” ta Shailesh-isa ashi.
November 20, 1989 nü United Nations General Assembly-i lemtetba ‘Convention on the Rights of the Child’ anema NSCN(K)-i tanurtem anioker, ta paisa shisem.
Iba Convention nung Arrla 38 ajanga arishi küm 15 tekübok alirtem rara nung shilem agitsü aser raratsü atema aniokba inyakyim noktangtsü sorkar nem tashi agütsür. Talisa, NSCN(K)-i Naga yimtsüngtem nung tanurtem India Temzüng nung aliba Right to Education temeten noktanger, ta Assam Rifles otongdarisa metetdaktsü.
NSCN(K)-i tashiyim agi aniokba tanur aser yim tenüng.
S/No Name Village
1. Yithsiitu Wuzu
2. Sangpa Phokhungri
3. Anopa Phokhungri
4. James Phokhungri
5. Rachemthvii Phokhungri
6. Fineson Phokhungri
7. Kingleymong Phokhungri
8. Losiethsii Phokhungri
9. Ade Phokhungri
10. Aletho Phokhungri
11. Sundeymong Phokhungri
12. Jefta New Phor
13. Liiratu New Phor
14. Karthsii Phor
15. Vikai Phor