NSCN(K/N) züngsem pezü apu

Dimapur, Metsüremi/March 12 (TYO): Ozüng alema razükraktemba inyaksangshi osang tejangja ka nung ajemdaker March 10, 2019 nü HQ IGAR (North) kübok Zunheboto Battalion-i Asukomi-Zunheboto lenmang nung MVCP ka amenok lendanga ata.
Iba mapang sepaitemi Old Natha nungi Kihoto’er jabaso SS Tatar Ikhuvu (35), Satakha nungi asür K Sema’er jabaso SS Administrator Shekupu (58), Old Natha nungi Kohovi’er jabaso SS Khapur Hikuto (42) aser Shevishe nungi Iveheshe’er jabaso SS Kejhur (Civ Wg), Hunato (34) nunger Maruti 800 gari ka nung mener oya lia apu.
Parnok ket nungi Point 22mm Pistol ka aser taitsü aketba kulikakettem ngutetta liasü. Iba maparen dak sendakba nung bushisüngdangtsü atema par pezüprong den parnoki bena aliba pistol aser taitsü aketba kulikakettem Zunheboto Police Station nung yutsüogo, ta Assam Rifle sangdong ka ajanga metetdaktsü.