NSCN(R)-i Khekato Kinny züngdokba nungi masetshir

Dimapur, September 13 (TYO): August 28 nü ‘Extraordinary Joint Council’ senden nung Aug 16 nü asür Toishe tepsetba dak sendakba nung Khekato mapa nungi anentsütsü telemtetba agiba nungi masetshir ta NSCN/GPRN (Reformation)-i metetdaktsüogo.
Telok nungi züngdokba taoba Supervisor aser Defence Kilonser Khekato Kinny-i NSCN (R) tenüng nung tax sarur ta osang angazüker. Anungji pa dang iba inyakyim anentsü metetaktsür, ta MIP (Ministry of Information & Publicity) NSCN (R)-i metetdaktsü.
Iba dak sendakba nung Joint Secy Noghuka Kinnimi, Leacy Ikishe aser Major Asheto nungertem dang anogo tenetnü tsüngda sorkar tsüngdangi arutsü tuyur. Parnoki iba tetuyuba sülen manidakra, sorkari ozüng tesashi agi merenshitsü, ta MIP-isa ashi.
Kija mesüra telok kari NSCN/GPRN (R) tenüng menüktsütsü atema inyakra, onoki parnok anema mapa inyaktsü ta MIP-isa metetdaktsü.