NSCN(R) sepai kati tanishir dak akha

Dimapur, Sept.13(TYO) : NSCN (R) telok nung tanishir Lieutenant Colonel ka dak pa anükba sepai kati pa dak akha aser kanga mejungi yirur mozü kidang anepaludagi.
Iba lendong nung yirusangji Lt.Col.Langshong Phom liasü. Pa ya Longleng district nungi Tangha nunger lir ta angazüker. Iba lendong ya Honibar nü 11:00 ako shi nung parnok alidak designated camp Tizit anasa Phuktong nung atalok. Pa anüksang bodyguard-i Langshong dak asemben tashi akha saka masü teyirudang kanga mejungi yiru. Pa bodyguard-sangji kasa district nungi Yongyah nunger Wangman Phom liasü. Iba lendong atalokba sülen Wangmanji jena ao ta angazüker.
Iba lendong atalokli teyirusangji Mon district hospital bushia ao aser yangji doctortemi pa temang nung injang aliba agiteta endoktsü aser tangalen mozü ki tajungba bushia oa anepalutsü shia liasü.