NSCW-i April 28 nü Legal awareness sentong ayongzüker

Dimapur, April 24 (TYO): Nagaland State Commission for Women (NSCW) den National Commission for Women (Delhi)-i April 28, 2017 anüngdang 11:00 ako nungi Indoor Stadium, Chiephobozou nung Human Trafficking indang anogo ka, Legal Awareness sentong ayongzüker.
Iba sentong nung tejaokertem rongnung Chiephobozou Sub-Division kübok Tribal Hoho, Women Hoho, DB, GB, kaketshirtem tenet nungi züngsemtem, Arogo lenirtem, police ketdangsertem aser Legal Aid Services ketdangsertem jaoker, ta ketdangsertem osang ka ajanga metetdaktsü.