NSCW-i ‘Elimination of Violence against Women’ amungtsü

Dimapur, November 22 (TYO) : United Nations (UN)-i November 25 nü “International Day for Elimination of Violence against Women” aser December 10 nü “International Human Rights Day” amungba kübok kümshia anogomung ana tiyongtsü nung aliba anogo 16 ji Fortnight’s Observation of Elimination of Violence against Women ta ser amunger.
Iba nung ajemdaker tesüiba mapang ama Nagaland State Commission for Women-i November 24, 2016 anepdang 10:00 ako nung De Oriental Hotel’ High School Road, Upper Bayavu Hill, Kohima nung Launching Programme ayongzüker.
Iba sentong nung taoba NSCW Chairperson, Sano Vamuzo-i tongti tesemdanger asütsü mulunga agizükogo aser iba sentong nung Kohima Unit Tribal Women Hohos, NMA, arogo aser yimten telok balala nungi tetsür lennirtem adentsü jaoker, ta sangdong ka nung metetdaktsü.