NSCW-i Tuensang District Jail aser Women Cell semdang

Dimapur, Rongchii 16 (TYO): Nagaland State Commission for Women (NSCW) team leader aser NSCW mendenpula, Dr. Temsula Ao-i anir iba commission nung züngsemtemi Rongchii (April) 13, 2018 nü Tuensang District Jali aser Women Cell semdang.
District Jail aser Women Cell semdangba mapang parnoki ketdangsertem ajuru aser National Commission for Women, New Delhi ajanga iba district nung jail aser Women Cell jenjang aser kiojen osang bendentsü totuyuba agüja lir ta metetdaktsü.
District nung aliba District Jail aser Women Cell semdangba nükjidong ya item tesem jenjang metettsü atema lir, ta Nagaland State Commission for Women ajanga ashi.
District jail semdangba mapang tepuokdak alirtem nem sen 5,000 tenla agütsü aser Longleng dak alaka district 10 prongla semdangtsü, ta Dr. Temsula-i metetdaktsü.