NSDF-i SCPD shimtsü akanger

Kohima, April 27 (TYO) : Nagaland nung matamabensar nisung ajak agi 29,631 lir aser parnok anepalutsü asoshi Persons with Disabilities (PwD) Act 1995 nung shia aliba ama State Commissioner for Persons with Disability (SCPD) shimtsüla ta Nagaland State Disability Forum (NSDF) teloki metetdaktsüogo.
PwD  ozüng ajanga ashiba agi, item nüngdakba nisungtem yaritsü atema Commissioner  asütsü shimba nisungji item ama nisungtem dak sendakba maparentem indang ajangshiba aser junga metetba asütsüla ta shia lir.
Tang Nagaland nung matamabensartem 2011 census ajanga metetba agi nisung ajak agi 29, 631 lir aser parnok teimbaka kanga tepetzük tia nung lir, anungji parnok tia junga metetba nisung ka ya Commisioner asütsü shimtsüla ta parnoki takangba agütsüogo.