NSF asayamong: Asüfü CI & Barack FC na quarterfinal tongogo

Kohima, October 12 (TYO): Asüfü Christian Institute, Mao Gate aser Barak Football Club telok nati takok ngua, tang tasayadak 17 buba NSF Martyrs’ Memorial Trophy asayamong quarterfinal asayatsü jenjang tanü, Bodbar nü nguogo.
Tan mezüngsüa shilem agir Asüfü teloki goal 4-2 agi Naga Bazar Youth Organisation telok madak takok ngua, quarterfinal-i ai.
J. Dihale-i asaya tenzüker minute 22 buba nung 1 buba goal agütsüba sülen Loli-i minute 26 buba nung goal 1 agüja, par Asüfü telok temaba jenjang nung ajungkettsü.
Tesülen, Neiphivilie Sote-i asaya tanabuba shilem nung penalty takok ngua metsüokja goal agütsüba sülen Dihale o Loli nati minute 45 aser 58 buba nung maneni goal kaka agüja, par Asüfü telok nem takok ngudaktsü.
Naga Bazar asayar, Medovituo-ia minute 69 buba nung goal 1 agütsü saka par teloki tanüngba asaya mapang tanüngba goal memeyiptsütetba yong par teloki tamakok ajurua liasü.
Tanü tanabuba asaya nung defending champions, Barak teloki goal 2-0 agi Meriema Youth Organisation tsükdaktsü.
Mayoshing aser Itaibana nati asaya tenzüker minute 56 aser 59 buba nung takokba goal 2-ji agüja, par Barak telok nem takok ngudaktsü.
Ano külen, Faith Sporting Club, Dimapur teloki osang kecha memetetdaktsüi Meriema Youth Organisation telok den October ita 8 nü asayatsü lemzüktsüba asaya nung shilem magiba maparen aitsüba den NSF asayamong Bylaws kübok Arrla 14 & 24 nung ajemdaker par telok taruba asayamong 2 tashi nung shilem magidaktsütsü lemtetba osang ka tayongeri metetdaktsüogo.
October 13 nü asaya yamai alitsü:
1. Nagaland Police (Blue) vs Naga Hospital Colony YO @ 11am
2. Forerunners 4th NAP vs Billy Graham FC @ 2pm