NSF asayamong form benoktsü mapang atsünglangshitsür

Kohima, September 11 (TYO): 16 buba NSF Martyrs’ Memorial Trophy asayamong nung shilem agitsü shiti benoktsü mapang atsünglangshija kasaji tan September ita 12 nikdongdang 3:00 ako tashi agizüktsü renemba osang ka tayonger, Angami Students; Union (ASU)-i tanü sangdong ka ajanga metetdaktsüogo.
Asayamong nung shilem agitsü shitiji telok wako aser passport noksa 2 den külemi Kohima Local Ground nung ASU ketdangsertem nem amoktsütsü temetettsü olen ka ASU Games & Sports Secretary, Vizokho Zashümo-i kasa sangdong ajanga metetdaktsü.