NSF Asayamong: GTG, LYSO, 4th NAP & TFC nungeri takok angu

Kohima, September 18 (TYO): Get Them Go (GTG); Laü Youth & Sports Organization (LYSO), Senapati; 4th NAP, Thizama aser Tribal Football Club (TFC), Kohima nungeri tanü Hokolbar nü takok ngua tang tasaydak 16 buba NSF asayamong 2 buba round asayatsü jenjang ajangzükogo.
Tanü mezüngbuba asaya nung GTG teloki goal 3-2 agi FC Lenlem, Kohima madak takok angu.
Nokzenketba, Avilie aser Dzüvisü-o nungeri asaya tenzüker minute 28, 31 aser 48 buba nung par GTG telok asoshi takokbaji goal 3-ji agütsü.
Sulanthung aser John Patton natia par Lenlem telok asoshi minute 49 aser 61 buba na nung goal 2 agüja liasü.
LYSO telokia goal 3-2 agi Zodiac FC Tekhuba telok madak tanabuba asaya akokba osang jangjaogo.
Th Silas-i goal 1 aser K. Luckyson-i goal 2 tashi par LYSO telok asoshi agütsü aser Seyieneisa o Neisaleto natia par Zodiac telok asoshi goal ka ka agüja liasü.
Atun Konyak-i asaya tenzüker minute 29 buba nung goal ka agütsüba ajanga par NAP teloki New Market ‘B’ telok madak tasembuba asaya goal 1-0 agi akok.
Tribal telok asayar, Zakietuolie Khrodi-ia asaya tenzüker minute 45 buba nung takokba goal agüja Kohima College telok pezübuba asaya nung tsükdaktsü.

September 19 nü asaya yamai alitsü:
FC United Zhadima vs Alianza FC Kohima @ 9.30 am
Oriental College Kohima vs Galacticos FC Kohima @ 11 am
GHSS Seikhazou vs Kohima Village SU @ 12.30 pm
DC XI Kohima vs Modern College Kohima @ 2 pm