NSF Asayamong: Police (Blue) teloki 3 buba jenjang ajangzük

Tang Kohima nung tasayadak 17 buba NSF Martyrs' Memorial Trophy asayamong tasembuba jenjang asaya asayaba jakdang Match Patron, Pfükhrielie Peseyie; asayamong ketdangser aser Barak FC o Nagaland Police (Blue) asayartemi agiba arok noksa ka yangi angur. (Kohima, October 21) — Tang Kohima nung tasayadak 17 buba NSF Martyrs’ Memorial Trophy asayamong tasembuba jenjang asaya asayaba jakdang Match Patron, Pfükhrielie Peseyie; asayamong ketdangser aser Barak FC o Nagaland Police (Blue) asayartemi agiba arok noksa ka yangi angur. (Kohima, October 21)

Kohima, October 21 (TYO): Nagaland Police (Blue) teloki takok ngua, tang tasayadak 17 buba NSF Martyrs’ Memorial Trophy asayamong nung 3 buba jenjang abener telok tanü, Hokolbar nü kümogo.
Blue teloki goal 2-0 agi taoba mapang champions akümtsü jenjang anaben tashi ajangzüker, Barak Football Club, Peren telok tsükdaktsü.
Muluvotuo Rhakho aser Tiasunep nati asaya tenzüker minute 23 aser 36 buba nung tanü takokba goal 2-ji agütsü.
Ano külen, semifinal asaya nung takok angur telok, Forerunners Football Club, 4th NAP aser Nagaland Police (Red) telok nati asüng, Honibar nikongtsütsü 1:00 ako nungi tenzüka final asayatsü terenemshiba agia lir.
Tan asayamong nung takok angur nem sempet agütsüba sentong nung Nagaland School Education & SCERT Minister, Yitachu tongti tesemdanger alitsü.

NSF Asayamong: Police (Blue) teloki 3 buba jenjang ajangzük added by nungsang on October 22, 2016
View all posts by nungsang →