NSF aser GPRN/NSCN nati amalitepa alitsü bangjemogo

Kohima, April 25 (TYO): April 25 nü NSF aser GPRN/NSCN na longjema tesüiba mapangtem atalokba reprangshiba sülen telok anapronglai Naga linük aser Naga nunger atema taoba mapang mangatettep amadoker amalitepa alitsü bangjemogo, ta NSF President, Kesosul Christopher Ltu aser GPRN/NSCN Collective leadership nungi Alezo Venuh nati külem sangdong ka nung metetdaktsü.
Telok anapronglai Naga nunger taneptsü angutsü aser kibong ka ama longjemer aliba ajungkettsütsü bangjemogo, ta kasa sangdong nung shia lir.