NSF aser PSU nati asür bilemtettsü

Kohima, July 14 (TYO) : Naga Students’ Federation den külem ser Pochury Students’ Union (PSU)-i July 16, 2016 nikongdang 6:30 ako nung Old MLA Hostel Junction, Kohima nung asür Aso (13) aser asür Tüzali (14) na bilemteta temo milen tsüklokba sentong ka akatsü telemtetba agiogo.
Kaketshir ana ya yaküm 2015 küm July 16 nikongdang 6:30 ako shi nung Wuzu nung 46 Assam Rifle purtemi khaset. Iba kasa lendong nung nubentsür tetsür ka tenüng agi Esther Vitsürho dena yirutsü.
Iba sentong nung Kohima nung alirtemi aruagi shilem agidaktsüner ta parnoki mepishia metetdaktsüogo.