NSF election atema Model Code of Conduct tenzükogo

Kohima, Rongchii/April 25 (TYO): Naga Students Federation (NSF) indang temzüng nung Arrla 26 kübok section 3 nung Election Commission nem tashi agüja aliba nung ajemdaker election Model Code of Conduct benokogo, ta tanü Election Commission Chairman, Meitsikhoyo Yhobuh, Member Secretary, Krelo Eshwo aser Member, Jungithung Yanthan nungeri sangdong ka nung metetdaktsü.
Ajaki MCC telatetbatem benshitsüla, ta shia Election Commission-i election junga agitettsü atema ajaki amalitepa inyakdaktsüner, ta mepishia metetdaktsü.
NSF temzüng Arrla 26 kübok section 2 nung shia aliba ama candidate tem qualifications alitsüla, temzüng dak sendakba nung tashishitep malitsüla, Election Commission telemtetbaji tatembang asütsü, ta parnoki metetdaktsü.
Amokmerenba aser voters mesüzüktsü atema sen tashi amshibaji ozüng alema lir, iba nungji aibelenra candidate-a agientsü akok; votes atema yi aser tanga temesepba chiyungtsütem amshitsü khenyongi memelar; candidate ka atema yimtenren party tem mesüra tangartemi nüboyimtsütsü memelar, ta parnoki metetdaktsü.
28buba NSF conference nung Federating unit nungi tajemba agia delegates 30 adentsüla, mesüra mesüra electoral college nung vote temeden magütsütsü aser candidates memelatsü; candidates ajaki introductory session nung adentsüla mesüra election nung tokteptsü memelatsü, ta Election Commission-i metetdaktsü.
Tang kümsük nung tamakok angur candidate memelatsü; tang nungi Election Monitoring Committee-i model code of conduct benoker, aser ibaji alema inyaker candidate tembo agientsü, ta sangdong nungsa shia lir.