NSF-i Deo Nukhu dang nungi telangzüba meshir

Dimapur, December 4 (TYO): Higher & Technical Education Parliamentary Secretary, Deo Nukhu-i December 02, 2015 nü osangkakettem nung Naga Students’ Federation (NSF)-i sen tim mesüi amshiogo, ta tai tongloktsüba magizüker aser iba atema pai kuli tejangja agütsütsü takhangba agütsür, ta NSF sangdong ka nung metetdaktsü.
Akhüm taket office ka nung inyaker Parliamentary Secretary kati iba amai mebilemdangi aser kuli maliba onük jembiba atema kanga aoksar, ta NSF Vice President, Shikavi Achumi aser Asst. General Secretary, Kesosul Christopher Ltu nati sangdong nung shia lir.
Iba onük dak sendakba nung NSF-i kodanga senotsü tim mesüi amshia mali, anungji kuli melii NSF aitsüba aser tai tongloktsüba magizüker. Iba onük atema tekaratiba nung jangjashitsüla, aji mesüra kuli mali ser tai tongloktsürtem anema NSF-i inyaktsü, ta NSF mendenpurtemi metetdaktsü.