NSF-i Election Commission shim

Kohima, Rongchii/April 15 (TYO): NSF Executive Council-i 28buba NSF General Conference nung 2019-2021 kümsük atema office ketdangpurtem shimtsü asoshi Election Monitoring Committee aser Election Commission shimogo, ta NSF General Secretary, Imtiyapang Imsong-i sangdong ka nung metetdaktsü.
Election Monitoring Committee nung Convenor ji Kelhuoneizo Yhome asütsü aser züngsemtemji Daniel Tep aser Komu Sha na asütsü.
Election Commission Convenor ji Mutsikhoyo Yhobu asütsü aser züngsem anaji Eshuwo Krelo aser Jungithung Yanthang na asütsü. Anungji election dak sendakba nüngdaktem aser election code of conduct benoka inyaktsü atema Election Monitoring Committee aser Election Commission nem tashi agütsür, ta kasa sangdong nung shia lir.