NSF-i Governor office dang mepelar

Dimapur, Mongputeni (October) 7 (TYO): Governor indang office-i October 2, 2018 nü kaketshirtem ashioktsüba atema Naga Students’ Federation aoksar aser jashir ta tanü metetdaktsü.
Governor office-i Vice Chancellor, Nagaland University aser Director Higher Education ajanga sorkar college ajaki dangi tetuyuba agütsüba nung ‘Mahatma Gandhi indang taküm aser mapa’ nung ajemdaker district level Quiz competition agitsü metetdaktsü.
Governor indang office-i District shia nung mezüng takok angur nem sen 15000, tanabuba nem 10000 aser tasembuba nem 5000 agütsütsü aser senpetji October 2, 2018 nü Raj Bhavan, Kohima nung agütsütsü osang metetdaktsü, ta NSF sangdong ka nung ashi.
Ajisüaka, iba anogo nung takok anguba kaketshirtem nem senpet magütsüteter ta shia kulikaket ka aser kaket ka agütsü. Anungji nisung ajaki akhümtsübuba state nung tematiba office-i tekaratiba nung takok angur nem nangzükba senpet agütsütsü atema mepishir, ta NSF-isa ashi.