NSF-i ILP mita aotsü

Dimapur, Mongputeni (October) 16 (TYO): Naga Students Federation (NSF)-i September 24, 2018 nü Chief Minister dang ILP kübok Dimapur District dendaktsütsü atema Memorandum ka agütsü aser iba nung anogo 30 tsüngda mapa inyaktsü mapang latettsü.
Ajisüaka, NSF dangi telangzüba züluba nung Dimapur District nung ILP indang kecha shia mali. Anungji, NSF-i ILP mita aoba maparen pezübuba aser ILP kübok Dimapur District dendakjang ta takhangba agüja poster campaign ka agitsü, ta Tir Christopher Ltu aser Tongti Tezülur Imtiyapang Imsong nati sangdong ka nung ashi.