NSF-i India sorkar aser NSCN-IM dang pelar

Dimapur, November 6 (TYO): October 31 nü India sorkar NSCN-IM tsüngda tangatettep kati aruba tembangba atema pelar, ta Naga Students’ Federation (NSF)-i metetdaktsü.
Telok ana tsüngda obang meputep adoka yimjung olemtep anenra, ibaji Naga nunger tarutsü atema tesasatsüka asütsü ta NSF-i teti bilema arur, ta Tir Ninoto Awomi aser Tongti Tezülur Liremo R Kikon nati sangdong ka nung metetdaktsü.
Telok anapronglai tangatetba tajung nung aser Naga nunger tarutsü tiptema aotsü bilema angatettepba pelashishia agizüker, ta NSF mendenpurtemisa ashi.
Iba ajanga South-East Asia nung mapang talangtiba inyaka aruba ken o angatetteptsü aser Naga nunger temeten aser puti otsü balaka kümzüka ayutsü, ta tenatisa ashi.