NSF-i Inner Line Permit (ILP) atema takhangba agütsür

Dimapur, October 4 (TYO): Naga Students Federation(NSF)-i Chief Secretary ajanga Nagaland state sorkar dangi Inner Line Permit (ILP) atema tebilembatem aser parnoki September 15, 2016 nü iba dak sendakba shidi ka sorkar nem agütsüba nenshia metetdaktsüogo.
Nagaland-i non-locals aser illegal immigrants arur aser Bengal Eastern Frontier Regulation (BERF) Act of 1873 shitak meinyakteter. BERF Act ya küm 144 tejakdang yangluba lir aser tanü putu den meputep kümogo. Anungji, BEFR Act of 1873 mapa küma inyaktsü atema NSF-i tsünglanglen agüja aliba onüktem enoksemtsü akhanger, ta tir, Kesosul Christopher Ltu aser tongti tezülur, Imtiyapang Imsong nati sangdong ka nung ashi.
Onüktem:
1. Arrtsü telongtet: Dimapur district ya Inner Line Permit Regulation kübok aitdaktsütsüla.
2. ILP meshidang agütsütsüba Documents:
a. Applicants (Main Land Indians): Voter’s ID card, Permanent Residential Certificate.
b. Applicants (Assam): Voter’s ID card, Permanent Residential Certificate, Land Patta, Electoral Roll enrollment. District Magistrate & Election Officer, National Citizen Register (issued before 1963)-i sign asüba.
c. Local Guarantor:
a. Indigenous Certificate, Residential Proof Certificate & Identity Proof Certificate.
b. Pa/la Guarantor den külemi tangokba noksa ka agütsütsüla.
3. Undertaking: ILP meshirtemi local guarantors ana alitsüla (Employer and House Owner). Guarantor anapronglai undertaking nung sign asütsüla.
a. ILP meshidang local guarantors aser applicants tsüngdong tonga arutsüla.
b. ILP mapa tembangba sülen Guarantor jagi pa/la meinoktsütsüla aser ILP Monitoring Cell nem osang sangoktsütsüla.
c. Pa/lar nübo anema ken o kar adokra guarantor-i iba tebilemtsü abentsü.
4. ILP mapang telatet: Talangtiba agia anogo 15 agütsütsüla.
5. Administrative Mechanism:
a. District shia nung Additional Deputy Commissioner menden ser ILP Monitoring Cell ka ka tentettsü.
b. Tongti entry aser Exit point nung CCTV enoktsüla.
c. Tongti check gates nung mapa lemzüktsüba ILP Monitoring Cell aser police personnel tem nem mapang shia orientation course agütsütsüla.
d. ILP holders, guarantors aser deportation indang osang tejangja bendena ayutsüla.
e. ILP holders nem permits/license/certificates magütsütsüla.
f. Nisung kati ILPs ana atema dang guarantor sütettsü.
6. Tang aliba Skill Development Institutions atema Industrial Training Institutes (ITIs) tajungba kümdaktsütsü aser district ajak nung trades/courses bendenloktsüla.
7. Nagaland sorkari district ajak nung Village Councils, Town/Ward/Colony lennirtem aser tongti tribal teloktem den sensitization programmes ayongzüka agitsüla aser Nagaland nung ILP system takok ngua inyakettsü atema temalen shia aliba local bodies tashi itdaktsütsüla.
Nagaland sorkari ILP mapa küma inyaktsü aser ketdangsütsü atema zübazüba toktsüba yimya angudang NSF-i shisabulua bilemer. Anungji, anogo 30 tsüngda temalen agüja aliba onüktem asoshi mapa inyaktsü mapang latettsür, ta sangdong nungsa metetdaktsü.