NSF-i kaketshirtem yaritsü metetdaktsür

Dimapur, November 19 (TYO): Nagaland ghonda 18 mokdangtsü ayongzükba ajanga tatidang agütsüba kaketshirtemi timtem majurudaktsütsü atema Naga Students’ Federation (NSF)-i federating units aser sub-ordinate bodies dang mokdang ayongertem den yariteptsü tetuyuba ka agütsüogo.
Kaketshirtemi examination centre temi aoba aser arudang aser ano parnoki stationeries nüngdakba bushitepdang timtem majurutsü atema federating units aser sub-ordinate bodies-i yariteptsüla, ta NSF-i metetdaktsü.
Onoki Citizenship Amendment Bill (CAB) khenyongi magizüker aser iba bill magizükdaktsütsü atema tatem tashi inyaktsü ta public dang nangzüker, ta NSF President Ninoto Awomi aser Edu. & Statistical Secy. Kegwayhun Tep nati sangdong ka nung ashi.